ترکی نے اسلامی ملک ہونے کا حق ادا کر دیا

ترکی نے فرانسیسی جریدے چارلی ہیبڈو کی جانب سے ترک صدر کے خاکے کو سرورق پر چھاپنے کی مذمت کرتے ہوئے قانونی کارروائی کااعلان کیا ہے۔

ترک صدارتی دفتر سے جاری بیان میں کہا گیا ہے کہ صدر اردوان کا خاکہ چھاپنے پر ضروری قانونی اور سفارتی کارروائی کرینگے۔

پاکستان، ترکی ہمارے اندرونی معاملات میں دخل دینے سے باز رہیں، فرانسیسی وزیر داخلہ

صدارتی دفتر نے اشتعال انگیزی کی مذمت کرتے ہوئے کہا ہے کہ چارلی ہیبڈو کا یہ اقدام ترکی اور اسلام سے عداوت کے سوا کچھ نہیں۔

انقرہ کے پراسیکیوٹر دفتر نےاردوان کے خاکےکی اشاعت کیخلاف تحقیقات کا آغاز کر دیا ہے۔

فرانسیسی صدر میکرون کا اپنے دفاع میں عربی ٹوئٹ

فرانس میں گستاخانہ خاکوں٘ کی اشاعت پر ترک صدر نے فرانسیسی مصنوعات کے بائیکاٹ کا مطالبہ کرتے ہوئے کہا تھا کہ فرانسیسی صدر کو دماغی معائنے کی ضرورت ہے۔

اردوان کے اس بیان پر پر فرانس نے ترکی سےاپنا سفیر احتجاجاً واپس بلا لیا تھا۔

پاکستانیوں کی وجہ سے سٹار بننے والی پاکستانیوں کے خلاف زہر اگلنے لگی

پاکستانیوں کی وجہ سے سٹار بننے والی پاکستانیوں کے خلاف زہر اگلنے لگی میں جاپان شفٹ ہو رہی ہوں
تاہم جنت کے اس مختصر جواب سے ان کے مداح کافی پریشان ہوگئے اور ایک اور صارف نے پوچھا آپ کیوں جاپان شفٹ ہورہی ہیں؟
جنت مرزا نے اس صارف کا جواب دیتے ہوئے کہا کیونکہ پاکستان بہت پیارا اور اچھا ہے لیکن پاکستان کے لوگوں کی ذہنیت اچھی نہیں۔ جنت مرزا نے اپنے جواب کی مزید وضاحت نہیں کی۔

واضح رہے کہ پی ٹی اے نے ویڈیوشیئرنگ چینی ایپ ٹک ٹاک پر غیراخلاقی اور نامناسب مواد نہ ہٹانے کے باعث پاکستان مین پابندی عائد کردی ہے۔ جنت مرزا ٹک ٹاک سے ہی مشہور ہوئی ہیں اور اس وقت ان کے سوشل میڈیا پلیٹ فارم پر کسی بھی بڑے فنکار سے زیادہ فالوورز ہیں جو کہ ایک کروڑ ہیں۔

عرب ملک کے بادشاہ نے مسلمانوں کے دل جیت لئے

عرب ملک کے بادشاہ نے مسلمانوں کے دل جیت لئے امریکہ کو انکار
ایک عرب ملک بحرین نے تمام مسلمانوں کے دل جیت لئے امریکی وزیر دفاع پومیوں ٹرمپ کا پیغام لے کے گئے اسرائیل کو تسلیم کریں بحرین کا صاف انکار
بحرین کے بادشاہ حمد بن عیسیٰ نے کہا کے وہ خودمختار فلسطین کو آزاد دیکھنا چاھتے ہیں دیگر عرب ممالک کے ساتھ کھڑے ہیں جو فلسطین کو آزاد دیکھنا چاھتے ہیں
عرب ممالک کے اسرائیل کے ساتھ سفارتی تعلقات بحالی کے بعد تمام مسلم ممالک میں بسنے والے مسلمانوں نے سخت ردعمل دیا تھا

سندھ اسمبلی میں محمدﷺ کے نام کیساتھ خاتم النبیین لگانے سے متعلق قرارداد پیش

ایم کیو ایم کے رکن سندھ اسمبلی محمد حسین نے اسمبلی میں قرارداد پیش کی۔

قرارداد کے مطابق حضرت محمد صلی اللہ علیہ وآلہ وسلم آخری نبی ہیں، ان کا نام آئے تو اس کے ساتھ خاتم النبیین ضروری طور پر لکھا اور پڑھا جائے۔

صوبائی وزیراطلاعات سید ناصر حسین شاہ نے قرارداد کی تائید کی جب کہ اپوزیشن لیڈر سندھ اسمبلی فردوس شمیم نقوی نے بھی قرار داد پیش کرنے پر مبارکباد پیش کرتے ہوئے کہا کہ قرارداد کی حمایت کرتا ہوں۔

خیال رہے کہ چند روز قبل پنجاب اسمبلی میں بھی ایک قرارداد منظور کی گئی تھی جس کے مطابق صوبے سے ایسی کتابوں کی اشاعت پر پوری پابندی عائد کی جائے گی جس میں حضرت محمد ﷺ اور صحابہ کرام کی شان میں گستاخی کی گئی ہو۔

A resolution was tabled in the Sindh Assembly regarding the installation of Khatam-un-Nabiyyin in the name of Muhammad [object object] سندھ اسمبلی میں محمدﷺ کے نام کیساتھ خاتم النبیین لگانے سے متعلق قرارداد پیش 39 1 288x300

کورونا سے بگڑتی صورتحال کے باعث اجلاس ملتوی کرنے کیلئے چیئرمین سینیٹ کو خط

سینیٹر کہدہ بابر نے اپنے خط میں لکھا کہ  پارلیمنٹ ہاؤس کے احاطے میں کورونا کیسز میں تشویشناک حد تک اضافہ ہوا ہے لہذا جب تک قائمہ کمیٹی خزانہ، قائمہ کمیٹی منصوبہ بندی بجٹ سفارشات تیار نہیں کر لیتیں، اس وقت تک سینیٹ اجلاس کی کارروائی ملتوی کی جائے۔

انہوں نے تجویز دی کہ  اس دوران صرف سینیٹ کی متعلقہ قائمہ کمیٹیوں کے اجلاس منعقد ہوں اور بجٹ تجاویز، چیئرمین سینیٹ کے چیمبر سے قومی اسمبلی کو بھجوا دی جائیں۔

سینیٹر کہدہ بابر نے کہا کہ  تجاویز کو بعد میں مقررہ تاریخ پر سینیٹ میں پیش کر دیا جائے۔

خیال رہے کہ ملک میں کورونا کے کیسز کی تعداد میں تیزی سے اضافہ ہو رہا ہے اور اب تک قومی و صوبائی اسمبلیوں کے کئی اراکین وائرس میں مبتلا ہو چکے ہیں جب کہ کچھ وائرس سے انتقال بھی کر  چکے ہیں۔

Letter to the Chairman Senate to adjourn the meeting due to deteriorating situation in Corona  کورونا سے بگڑتی صورتحال کے باعث اجلاس ملتوی کرنے کیلئے چیئرمین سینیٹ کو خط 38 1 300x180

ن لیگ کے رہنما اور سابق رکن قومی اسمبلی انتقال کرگئے

سابق رکن قومی اسمبلی دوست محمد فیضی کراچی کے علاقے کلفٹن میں واقع نجی اسپتال میں گزشتہ 15 روز سے زیر علاج تھے۔اہل خانہ کے مطابق دوست محمد فیضی گردے کے عارضے میں مبتلا تھے اور اسپتال میں داخلے کے بعد ان کا کورونا کا ٹیسٹ کیا گیا تھا جو کہ منفی آیا تھا۔

لواحقین کے مطابق دوست محمد فیضی کی نماز جنازہ بعد نماز عصر ڈیفنس فیز 4 میں واقع بیت السلام مسجد میں ادا کی جائے گی اور تدفین میوہ شاہ قبرستان میں ہوگی۔

دوست محمد فیضی 1993ء کے عام انتخابات میں کراچی سے ن لیگ کے ٹکٹ پر رکن قومی اسمبلی منتخب ہوئے تھے۔

PML-N leader and former National Assembly member passed away  ن لیگ کے رہنما اور سابق رکن قومی اسمبلی انتقال کرگئے 37 1 300x171

اسلام آباد، کراچی، لاہور، کوئٹہ، پشاور، راولپنڈی کورونا کے ہاٹ اسپاٹس قرار

اعلامیے کے مطابق وزیراعظم عمران خان کے اسمارٹ لاک ڈاؤن حکمت عملی کے اعلان کے بعد این سی او سی نے ملک بھرکے ہاٹ اسپاٹس کا جائزہ لیا۔

این سی اوسی کی جانب سے کورونا وائرس ٹریسنگ، ٹیسٹنگ، قرنطینہ (ٹی ٹی کیو) حکمت عملی کے تحت 20 شہروں کی نشاندہی کی گئی۔

یہ بھی پڑھیں
رواں ماہ کے آخر تک ملک میں کورونا کیسز کی تعداد 3 لاکھ تک پہنچ سکتی ہے: اسد عمر
کے پی میں کورونا ضابطہ کار کی 5798 خلاف ورزیاں، 122 گاڑیاں اور 239 دکانیں سیل
این سی او سی نے جون میں کورونا وبا کے بڑھنے کا خدشہ ظاہر کردیا
اعلامیے میں کہا گیا ہے کہ جن شہروں میں کورونا کے حفاظتی اقدامات میں مزید سختی کی جائے گی ان میں اسلام آباد، کراچی، لاہور، کوئٹہ، پشاور، راولپنڈی، فیصل آباد، ملتان، گجرانوالہ، سوات، حیدرآباد، سکھر اور سیالکوٹ شامل ہیں۔

کورونا کے ہاٹ اسپاٹس میں گجرات، گھوٹکی، لاڑکانہ، خیرپور، ڈی جی خان، مالاکنڈ اور مردان بھی شامل ہیں۔

اعلامیے کے مطابق ٹی ٹی کیو حکمت عملی بڑھتے کیسز والے علاقوں کی نشاندہی کے لیے ڈیزائن کی گئی ہے۔

خیال رہے کہ کورونا وائرس کے حوالے سے بنائے جانے والے نیشنل کمانڈ اینڈ آپریشن سینٹر کے سربراہ وفاقی وزیر برائے منصوبہ بندی اسد عمر ہیں۔

گزشتہ روز بھی اسد عمر کا کہنا تھا کہ حفاظتی اقدامات سے کورونا پر قابو پایا جاسکتا ہے، موجودہ صورتحال میں کوئی تبدیلی نہ کی گئی تو کورونا کیسز کی تعداد 3 لاکھ تک پہنچ سکتی ہے۔

انہوں نے کہا تھا کہ جون کے آخر تک کورونا مریضوں کی تعداد 3 لاکھ تک پہنچنے کا خدشہ ہے اور موجودہ صورتحال برقرار رہی تو جولائی کے آخر تک کورونا کیسز میں 8 سے 10 گنا تک اضافہ یعنی مریضوں کی تعداد 10 لاکھ تک پہنچ سکتی ہے۔

Islamabad, Karachi, Lahore, Quetta, Peshawar, Rawalpindi are declared hotspots of Corona  اسلام آباد، کراچی، لاہور، کوئٹہ، پشاور، راولپنڈی کورونا کے ہاٹ اسپاٹس قرار 36 1 300x171

چینی انکوائری کمیشن کی رپورٹ پر عمل درآمد روک دیا

چینی کی قیمتوں میں اضافے کے حوالے سے بنائے گئے انکوائری کمیشن کی رپورٹ کے خلاف درخواست پر سماعت چیف جسٹس اسلام آباد ہائیکورٹ جسٹس اطہر من اللہ کی سربراہی میں ہوئی۔

شوگر ملز مالکان کے وکیل مخدوم علی خان نے اپنے دلائل میں کہا کہ آئین میں وفاق اور صوبوں کے اختیارات کا الگ الگ ذکر موجود ہے۔

انہوں نے کہا کہ فروری میں کارروائی کے لیے ایڈہاک کمیٹی بنائی گئی، انکوائری کمیشن نے شوگر ملزکے فارنزک آڈٹ کے لیے وفاقی حکومت کو لکھا، کمیٹی نے تجویز دی ویسے ہی وہ کمیشن بن گیا۔

چیف جسٹس اطہرمن اللہ کا سوال نے استفسار کیا کہ اس کمیشن نے پھر کیا کہا؟ چینی کی قیمت کیوں بڑھی؟

مخدوم علی خان نے جواب دیا کہ کمیشن نے 324 صفحات کی رپورٹ میں بہت زیادہ وجوہات بیان کی ہیں، کمیشن نے سفارش کی کہ ایف بی آر، ایف آئی اے، نیب کو ملزمان کے خلاف کارروائی کرنی چاہیے۔

چیف جسٹس اسلام آباد ہائیکورٹ نے پوچھا کہ کمیشن نے کیا بتایا کہ عام صارف کے لیے چینی کی قیمت کیوں بڑھی؟ چینی عام آدمی کی ضرورت ہے، حکومت کو بھی اس حوالے سے ہی اقدامات کرنے چاہئیں۔

انہوں نے مزید ریمارکس دیے کہ سادہ سی بات ہے کہ عام آدمی کا بنیادی حق ہے کیونکہ 30 فیصد چینی عام آدمی کے لیے ہوتی ہے۔

سلمان اکرم راجہ نے دلائل دیتے ہوئے کہا کہ عام آدمی اور کمرشل استعمال کی چینی کی قیمت کو کمیشن نے الگ الگ نہیں کیا، جس پر چیف جسٹس نے پوچھا کہ اگرکمیشن نے عام آدمی کو چینی کی دستیابی کے حوالے سے کچھ نہیں کیا تو پھر کیا کیا؟

مخدوم علی خان نے کہا کہ انکوائری کمیشن کا مقصد عام آدمی کو ریلیف مہیا کرنا نہیں بلکہ ہمارا میڈیا ٹرائل تھا، وزیراعظم کے معاون خصوصی کے ذریعے شوگر ملز مالکان کا میڈیا ٹرائل کرایا گیا، یہ میڈیا وار ہے، گزشتہ روزبھی اس حوالے سے پریس کانفرنس کی گئی۔

جسٹس اطہر من اللہ نے استفسار کیا کہ 2 سال پہلے چینی کی قیمت کیا تھی؟ مخدوم علی خان نے بتایا کہ نومبر 2018 میں چینی کی قیمت 53 روپے فی کلو تھی، جس پر چیف جسٹس اطہر من اللہ نے ریمارکس دیے کہ 2 سال میں چینی 85 روپے فی کلو ہوگئی۔

وکیل شوگر ملز نے کہا کہ کمیشن نے اپنے ٹی او آر سے باہر جاکر کارروائی کی۔

چیف جسٹس اسلام آباد ہائیکورٹ نے ریمارکس دیے کہ کمیشن نے عام آدمی کی سہولت کے لیے کوئی فائنڈنگ نہیں دی؟

جسٹس اطہر من اللہ نے کہا کہ ہم حکومت کو نوٹس کر کے پوچھ لیتے ہیں لیکن آپ اس وقت تک 70 روپے کی قیمت پرچینی فروخت کریں۔

جسٹس اطہر من اللہ نے کہا کہ آپ کو شرط منظور ہے تو ہم آئندہ سماعت تک حکومت کو کاروائی سے بھی روک دیتے ہیں، یہ عدالت عمومی طور پرایگزیکٹو کے معاملات میں مداخلت نہیں کرتی۔

چیف جسٹس نے شوگر ملزمالکان کے خلاف کارروائی پرحکم امتناع جاری کرتے ہوئے کہا کہ عام عوام کو اگلے 10 روز تک چینی 70 روپے فی کلو فراہم کی جائے۔

جسٹس اطہر من اللہ نے ایڈیشنل اٹارنی جنرل سے استفسار کیا کہ وفاق عدالت کے آپشن کی مخالفت کرے گا؟ جس پر ایڈیشنل اٹارنی جنرل طارق کھوکھر نے کہا کہ مخالفت نہیں کریں گے۔

چیف جسٹس اطہرمن اللہ نے ریمارکس دیے کہ یہاں پر مفاد عامہ کا سوال سامنے آیا ہے، جس مقصد کے لیے کمیشن بنا تھا وہ ایڈریس ہی نہیں ہوا، کمیشن کو عام آدمی کو چینی کی سہولت فراہمی کے لیے کچھ کرنا تھا لیکن نہیں کیا۔

اسلام آباد ہائیکورٹ نے وفاق، کمیشن کے سربراہ واجد ضیاء، معاون خصوصی برائے احتساب شہزاد اکبر، سیکرٹری داخلہ اور انکوائری کمیشن کے ارکان سمیت درخواست کےتمام فریقین کو نوٹس جاری کر دیے۔

خیال رہے کہ گذشتہ دنوں حکومت چینی بحران پر وفاقی تحقیقاتی ایجنسی (ایف آئی اے) کی تحقیقاتی رپورٹ کا فارنزک کرنے والے کمیشن کی حتمی رپورٹ منظر عام پر لے آئی تھی۔

رپورٹ کے مطابق جہانگیر ترین، مونس الٰہی، شہباز شریف اور ان کے اہل خانہ، اومنی گروپ اور عمرشہریار چینی بحران کے ذمے دار قرار دیے گئے ہیں۔

فارنزک آڈٹ رپورٹ میں چینی اسیکنڈل میں ملوث افراد کےخلاف فوجداری مقدمات درج کرنے اور ریکوری کرنےکی سفارش کی گئی ہے جب کہ رپورٹ میں تجویز دی گئی ہے کہ ریکوری کی رقم گنےکے متاثرہ کسانوں میں تقسیم کردی جائے۔

انکوائری کمیشن کی رپورٹ کی سفارشات کی روشنی میں حکومت نے چینی پر 29 ار ب روپے کی سبسڈی کا معاملہ قومی احتساب بیورو(نیب) اور ٹیکس سے متعلق معاملات فیڈرل بورڈ آف ریونیو( ایف بی آر) کو بھیجنے کا فیصلہ کیا ہے۔

لیکن شوگر ملز ایسوسی ایشن نے چینی انکوائری کمیشن کی تحقیقاتی رپورٹ کو اسلام آباد ہائی کورٹ میں چیلنج کردیا ہے۔

شوگر ملز ایسوسی ایشن کا مؤقف ہے کہ چینی انکوائری کمیشن نے چینی کی قیمتوں میں اضافے اور بحران کی تحقیقات کے دوران قانونی تقاضے پورے نہیں کیے۔

گذشتہ دنوں وفاقی کابینہ کے اجلاس کے بعد میڈیا سے گفتگو میں وزیراعظم کے معاون خصوصی برائے احتساب شہزاد اکبر کا کہنا تھا کہ چینی افغانستان ایکسپورٹ کے معاملے کی تحقیقات ایف آئی اے کرے گی جب کہ مسابقتی کمیشن 90 روز میں چینی کےکاروبار میں گٹھ جوڑکی تحقیقات کرےگا اور اسٹیٹ بینک کو بھی ایسے معاملات میں 90 روز میں کارروائی کی ہدایت کی گئی ہے۔

Implemented the report of the Chinese Commission of Inquiry  چینی انکوائری کمیشن کی رپورٹ پر عمل درآمد روک دیا 38 300x169

وزیراعظم کو قومی اقتصادی سروے رپورٹ پیش کردی گئی

وزیراعظم عمران خان سے مشیر خزانہ عبدالحفیظ شیخ نے ملاقات کی جس میں ملک کی معاشی صورتحال اور آئندہ بجٹ کے حوالے سے تبادلہ خیال کیا گیا۔

اس موقع پر مشیر خزانہ نے اقتصادی سروے برائے مالی سال 20-2019 کی کاپی وزیراعظم کو پیش کی۔واضح رہےکہ آئندہ مالی سال 21-2020 کے لیے وفاقی بجٹ کل پیش کیے جانے کا امکان ہے اور اس سے قبل قومی اقتصادی سروے رپورٹ جاری کی جائے گی۔

The National Economic Survey Report was presented to the Prime Minister  وزیراعظم کو قومی اقتصادی سروے رپورٹ پیش کردی گئی 37 225x300

پاکستان اپنے این 95 ماسک بنانے کی پوزیشن میں آگیا

پارلیمانی سیکرٹری صحت ڈاکٹر نوشین حامد نے قومی اسمبلی کو بتایا کہ پاکستان چین کی طرزکا لاک ڈاؤن نہیں کرسکتا کیونکہ ہم نے لاک ڈاؤن بھی کرنا ہے اور معیشت کو بھی بچانا ہے لہٰذا کورونا سے بچاؤکا واحد حل ایس او پیز پر عملدرآمد ہے۔

انہوں نے کہا کہ جب وبا آئی تو 2200 وینٹی لیٹرز تھے لیکن اب ایسا نہیں، چین سے 1473 وینیٹی لیٹرز آرہے ہیں جس میں سے 341 وینٹی لیٹرز مل چکے ہیں اور 15 جون تک 245 مزید وینٹی لیٹرز چین سے مل جائیں گے۔

نوشین حامد کا کہنا تھا کہ گزشتہ ہفتے وفاقی حکومت نے تمام صوبوں کو 250 وینٹی لیٹرز فراہم کیے ہیں اس کے علاوہ حکومت نجی اسپتال کے ساتھ وینٹی لیٹر کے حوالے سے معاہدہ کرنے جا رہی ہے، ایم اویو کے تحت پرائیوٹ اسپتالوں میں داخل کورونا مریضوں کے اخراجات حکومت ادا کرے گی۔

انہوں نے بتایا کہ ہم 25 سے 30 ہزار ٹیسٹ روزانہ کر رہے تھے لیکن اب ہم نے 46 ہزارٹیسٹ روزانہ کی صلاحیت حاصل کرلی ہے اور ساتھ ہی ایک ہزار مزید آئی سی یوبیڈز کی تیاری شروع کردی گئی ہے۔

نوشین حامد کا کہنا تھا کہ پاکستان اب اپنے این 95 ماسک بنانے کی پوزیشن میں بھی آچکا ہے۔

ایوان میں اپوزیشن کی تنقید پر برہمی کا اظہار کرتے ہوئے پارلیمانی سیکرٹری نے کہا کہ وزیراعظم کورونا کے معاملے پر فرنٹ سے لیڈ کر رہے ہیں مگر اپوزیشن کی باتوں سے لگتا ہے حکومت کورونا کے معاملے پر ہاتھ پر ہاتھ رکھ کر بیٹھی ہے۔

Pakistan in position to make its own N95 mask  پاکستان اپنے این 95 ماسک بنانے کی پوزیشن میں آگیا 35 1 300x300